ЕУРО 2016 | Герет Бејл и неговите соиграчи му носат прва историска победа на Велс на Европските првенства, Словачка поразена на своето деби...



Во дуелот на двајцата дебитанти на Европските првенства, Велс со 2-1 ја победи Словачка и го запиша првиот триумф на големите фудбалски натпреварувања.

Резултатот беше отворен уште во 10. минута кога Герет Бејл со гол од слободен удар и донесе водство на својата репрезентација.

Освен погодокот првиот дел не донесе некои големи возбудувања, со почетокот на второто полувреме Словачка тргна многу поконкретно кон израмнување и почнаа да создаваат шанси.

Во 61. минута од мечот резервистот Дуда со својот прв допир го изедначува резултатот на 1-1.

Словачка нападна и кон комплетен пресврт, но до крајот Велс се радуваше на уште еден погодок кој значеше и победа.

Во 81. минута Ремзи ја додаде топката до Робсон Кану кој постигна гол за огромна радост на Велшките навивачи кои го преплавија Бордо со црвената боја.

Заслужен триумф на Велс кој го носи блиску до елиминационата фаза од Европското првенство.

Извор: 24FUDBAL.com.mk