МЕНИ

ЕУРО 2016 | Албанија дебитираше со пораз од Швајцарија на Европските првенства, еден гол го реши мечот во кој голманите царуваа...

Албанија и Швајцарија одиграа натпревар со повеќе шанси кој беше решен со еден погодок на самиот почеток од дуелот.

Клучниот момент се случи уште во петтата минута од натпреварот кога голманот Бериша киксираше а Шар погоди со глава и донесе водство на Швајцарија од 1-0.

Во 31. минута Албанија преку Садику имаше одлична можност за изедначување, но Зомер спречи да се затресе неговата мрежа.

Пет минути подоцна Албанија остана со фудбалер помалку откако капитенот Лорик Цана играше намерно со рака и зработи втор жолт картон.

Џемаили од слободниот удар ја погоди стативата, а до крајот на мечот Швајцарија промаши уште неколку идеални шанси пред време да го реши мечот.

Албанија можеше да казни, најдобрата шанса ја имаше Гаши на три минути пред крајот кога излезе очи во очи со голманот Зомер но Швајцарецот излезе како победник.

Албанија е поразена на првиот натпревар на Европските првенства, но не разочара според играта, храбро се бореше до самиот крај.