Англија Техничкиот директор на Манчестер Сити, Мајк Риг потврди дека тие се заинтересирани за ѕвездите на Бенфика, Ангел Ди Мариа и Оскар Кардозо

Дуото од Јужна Америка се поврзува со заминување од Португалија по крајот на сезоната а се шпекулира дека Манчестер Сити е заинтересиран за двајцата играчи.

Менаџерот на Сити, Роберто Манчини беше на Енфилд за дуелот помеѓу Ливерпул и Бенфика во Лига Европа и се верува дека е импресиониран од дуото.

Техничкиот директор на ’Граѓаните’ Мајк Риг признава дека Ди Мариа и Кардозо се квалитетни играчи и индицира дека тие се заинтересирани за дуото на Бенфика.

“Ди Мариа и Кардозо се двајца одлични фудбалери, многу силни на своите позиции, и се високо ценети на интернационалниот пазар.” – рече Риг за Record.

“Логично е, нема потреба да се крие, дека клуб како Манчестер Сити треба да биде привлечен од такви играчи со одличен потенцијал, кој го привлекуваат интересот на неколку клубови ширум светот.”

“Јас следам многу фудбалери и добро сум запознат за овие фудбалери како и други играчи од Португалија, но признавам дека Ди Мариа и Кардозо се двајца фантастични фудбалери.”

Ди Мариа, кој се преели во Бенфика во 2007 од Росарио Централ во трансфер вреден 8 милиони евра, сигурно ќе биде дел од составот на Диего Марадона за мондијалот во Јужна Африка.


Кардозо, кој постигна три погодоци против Ливерпул во Лига Европа, е најдобар стрелец на клубот со 33 гола во сите натпреварувања оваа сезона.

Powered by: 24 FUDBAL.com.mk