Англија Менаџерот на Челзи, Карло Анчелоти признава дека Џон Тери ’ја загуби контролата’ откако беше исклучен на дуелот со Тотенхем

Не само што Тери го направи пеналот преку кој Спарси го отворија резултатот, дефанзивецот во вториот дел заработи и исклучување.

Два фаули во краток период придонесоа капитенот на Челзи да го остави својот тим со десет фудбалери на теренот а поради суспензија, Тери ќе го пропушти и дуелот со Стоук.

Тери беше еден од подобрите играчи на Сините оваа сезона но Карло Анчелоти признава дека англискиот интернационалец одигра под можностите на Вајт Харт Лејн.

“И јас бев играч и знаете дека некогаш не сте рационални, понекогаш ја губите контролата.” – рече Анчелоти. “Тој имаше фантастична сезона.”

“Можеби понекогаш имаше некои проблеми и не играше добро, можеби против Тотенхем тој исто така не одигра добро.”

По поразот во градското дерби, Челзи дозволи Манчестер Јунајтед да се доближи на само еден бод и Анчелоти побара од неговите играчи да останат смирени о покрај додатниот притисок.

“Сега е потребно е да победиме на следниот натпревар и доколку е можно, да победиме и на следните три – тогаш ќе бидеме шампиони.”

“Тотенхем одигра подобро од нас, тоа може да се случи, но време е да останеме смирени.”

Powered by: 24 FUDBAL.com.mk