Англија | Џејми Варди ги остави Лестер и Арсенал во неизвесност, напаѓачот за својата иднина ќе донесе одлука дури по крајот на Европското Првенство...



Минатата недела, „Топчиите“ ја активираа откупната клаузула во договорот на Џејми Варди вредна 20 милиони фунти, и играчот ги помина редовните лекарски прегледи.

Се очекуваше тој да донесе конечна одлука пред Англија да отпатува за Франција во понеделникот, а откако не се случи тоа, беше пренесено дека Џејми Варди ќе пресече пред првиот натпревар на ЕУРО 2016 против Русија во сабота.

Сепак, последните информации велат дека напаѓачот во моментов сака да се фокусира само на Европското Првенство, па одлуката за сопствената иднина ќе ја донесе дури по крајот на ЕУРО 2016.

Извор: 24FUDBAL.com.mk