МЕНИ

Германија | Генералниот извршен директор на „Баварците“, Карл Хајнц Румениге категорично ја отфрла можноста Роберт Левандовски и Давид Алаба да заминат од Алианц Арена...

Подолго време се говори дека Реал Мадрид посакува Роберт Левандовски да биде новиот „Галактико“ и се верува дека шампионот на Европа веќе ги договорил личните услови на репрезентативецот на Полска.

Исто така се шпекулира дека „Кралевите“ се заинтересирани и за неговиот соиграч, Давид Алаба, но од таборот на Баерн Минхен порачуваат дека Реал Мадрид ќе остане со празни раце.

Генералниот извршен директор на „Баварците“, Карл Хајнц Румениге категорично ја отфрла можноста Роберт Левандовски и Давид Алаба да заминат од Алианц Арена.

„Вратата е затворена. Ниту еден играч нема да замине без наша согласност” - вели Румениге.

„Од 2008, кога Реал се обиде да го купи Рибери, сите во Европа добро знаат дека немаат шанси да дојдат до услугите на наш играч доколку ние не сакаме да го продадеме”.

Румениге исто така открива дека добил смс порака од неговиот колега од таборот на Реал, Хосе Анхел Санчез во која „Кралевите“ се правдале дека не стапиле во контакт со Левандовски зад грбот на Баерн, а и дека нема вистина во гласините дека Алаба е желба на Зинедин Зидан.