Англија | Давид Де Геа останува во Манчестер јунајтед, голманот ги отфрла шпекулациите кои го поврзуваат со трансфер во Реал Мадрид...



Со почетокот на преодниот рок се појавија и шпекулациите кои велат дека Реал Мадрид повторно ќе се обиде да го добие Давид де Геа, но голманот сака да остане во Манчестер јунајтед и да работи под водство на Жозе Мурињо.

„Да зборувам за Жозе Мурињо значи да зборувам за тренер кој победува, а тоа е филозофијата на Јунајтед и мојата“ - вели Де Геа.

„Со неговото доаѓање сигурен сум дека ќе изградиме тим кој ќе победува“.

Запрашан за можноста да се пресели во Реал Мадрид, Де Геа одговори:

„Многу се зборува, но малку се знае. Јасно ми е како одат работите но мислам дека постојаното зборување за тоа е непочитување кон мене“.

„Имам уште три години од мојот договор со Јунајтед и сакам да освојувам титули со овој клуб“.

Извор: 24FUDBAL.com.mk