МЕНИ

Шпанија | Техничкиот директор на „Каталонците“, Роберт Фернандез потврди дека Дани Алвеш донел одлука да замине од Камп Ноу...

Минатата недела беше објавено дека Дани Алвеш ќе ја активира клаузулата во договорот која му овозможува ова лето да ја прекине соработката со Барселона.

Се верува дека десниот бек ќе потпише за Јувентус, и покрај тоа што во последен момент ПСЖ и Манчестер јунајтед испратија понуди за репрезентативецот на „Кариоките“.

Информациите за заминување на Бразилецот од Камп Ноу сега ги потврди техничкиот директор на „Каталонците“, Роберт Фернандез.

„Минатата сезона тој го обнови договорот под специјални услови бидејќи не можевме да ангажираме друг фудбалер” – рече Фернандез на денешната прес конференција.

„Во тој момент одлуката беше лигична и нормална”.

„Дани сега одлучи да замине. Одлуката е лична и веќе не извести дека го напушта клубот”.

Запрашан зошто во договорот на играчот има клаузула која му овозможува на Дани Алвес предвреме да ја прекине соработката, техничкиот директор на Барса одоговори: „За играчот да биде среќен, направивме одредени компромиси”.

„Во случајот на Дани, му дадовме опција да замине без оштета по една година”.

„Не секогаш клубот излегува како победник во преговорите”.

„Не ми се допаѓа тоа што Алвеш заминува, но мораме да ја почитуваме неговата одлука”.