МЕНИ

Италија | Јулијан Дракслер жали за пропаднатиот трансфер во Јувентус и вели дека ќе било убаво да станел шампион на Италија во дресот на „Старата Дама“...

Минатото лето, „Бјанконерите“ се обидоа да го ангажираат Јулијан Дракслер, ги договорија личните услови на играчот но не можеа да пронајдат заеднички јазик со Шалке за висината на трансферот.

По трансферот на Кевин Де Брујне во Манчестер Сити, Волфзбург и Шалке за кратко време си подадоа рака, и Јулијан Дракслер наместо во Торино заврши на Фолксваген Арената.

Во разговор со Газета дело Спорт, Јулијан Дракслер сега проговори за пропаднатиот трансфер во Јувентус и призна дека жали што не го облекол дресот на „Старата Дама“.

„Внимателно ги следев резултатите н а Јуве” – вели репрезентативецот на „Панцирите“.

„Во октомври, со оглед на лошите резултати, си мислев дека сум се спасил и не сум се лизна на лушпа од банана, но сега жалам, ќе беше убаво да го освоев Скудетот и Купот на Италија”.

За преговорите со Јуве, Дракслер вели: „Чест ми е тоа што Јувентус сакаше да ме ангажира, долго време се обидувавме да ја комплетираме зделката”.

„Во август имаше неколку средби, јас се договорив со Јуве, но двата клуба не можеа да пронајдат заеднички јазик”.

„Потоа Волфзбург го продаде Де Брујне и ме побара како негова замена. Волфзбург е добар клуб, минатата година освои два трофеи и ми понуди можност да останам во Германија, поблиску до националниот тим”.

„Волфзбург и Шалке за кратко време се договорија и јас одлучив да ја прифатам втората алтернатива што ми се укажа”.

„Доколку преговорите со Јуве беа побрзи и подобри, сега ќе играв во Торино”.