Италија | Медиумите од Италија пренесуваат дека новиот сопственик на „Нероаѕурите“, Сунинг на Џузепе Меаца ќе го донесе Алекс Тешеира како и уште неколку квалитетни засилувања...

Ерик Тохир е на добар пат да го продаде Интер на инвеститори од Кина односно компанијата Сунинг, која исто така го поседува клубот Џиангсу кој во зимскиот преоден рок го купи Алекс Тешеира од Шахтар за високи 50 милиони евра.

Новиот сопственик на „Нероаѕурите“ ќе донесе свеж капитал, и ќе му овозможи на Роберто Манчини неколку квалитетни засилувања.

Денешните изданија на Кориере дело Спорт и Газета дело Спорт велат дека првиот потег на Сунинг ќе биде трансфер на Алекс Тешеира на Џузепе Меаца, се очекува Бразилецот да биде испратен на позајмица од Џиангсу во Интер.

Пари ќе бидат обезбедени и за потпис на Јаја Туре, кој подолго време е голема желба на Роберто Манчини, а се шпекулира и со името на Ерик Ламела од Тотенхем.

Извор: 24FUDBAL.com.mk