Шпанија | Севиља му порача на својот спортски директор Мончи дека мора во целост да го одработи договорот, па тој за сега ќе остане на Рамон Санчез Пизхуан...



„Трансфер мозокот“ на клубот од Андалузија, кој важи за еден од најдобрите спортски директори во светот на фудбалот, во понеделникот го известил бордот на директори на Севиља дека сака да замине.

Мончи навел дека сака да ја прекине соработката поради лични причини, но медиумите шпекулираат дека тој има примамливи понуди од Манчестер јунајтед и Реал Мадрид.

Сепак, Севиља не сака да слушне за заминување на спортскиот директор, па управата на клубот одби да му излезе во пресрет на барањето и му порача на Мончи дека ќе треба да го одработи договорот кој е со трајност до 30. јуни 2020.

„Мончи ја прифати одлуката на Севиља и ја потврди намерата да продолжи да работи со иста посветеност и професионализам” – гласеше соопштението на „Андалузијците“.

Извор: 24FUDBAL.com.mk