Англија | Жозе Мурињо инсистира дека неговото ривалство со Пеп Гвардиола во Манчестер нема да прерасне во опсесија и вели дека ќе погреши доколку се фокусира само на градскиот ривал...



Португалецот и Шпанецот следната сезона ќе го продолжат своето големо ривалство од времето кога ги предводеа Реал Мадрид и Барселона, откако Манчестер Сити го именуваше Пеп Гвардиола за нов менаџер во февруари, а минатата недела Манчестер јунајтед го промовираше Жозе Мурињо за нов предводник.

Зборувајќи од Португалија, каде одржа предавање на Универзитетот во Лисабон, Жозе Мурињо истакна дека ќе направи голема грешка доколку се фокусира само на Пеп Гвардиола и Манчестер Сити.

„Моето искуство не ми дозволува да бидам наивен” – вели „Специјалниот“.

„Бев со Пеп две години во првенство каде или тој или јас на крајот ќе беше шампион”.

„Во ваква ситуација, индивидуалните дуели се од голема важност”.

„Но доколку во Премиерлигата јас се фокусирам на него и Манчестер Сити, и тој се фокусира на мене и Манчестер јунајтед, тогаш некој трет ќе стане шампион”.

Извор: 24FUDBAL.com.mk