МЕНИ

Англија | Алваро Мората открива дека има неколку примамливи понуди од Премиерлигата и изрази желба неговата иднина да биде разрешена пред почетокот на Европското Првенство...

Напаѓачот е под договор со Јувентус но се поизвесно е дека ќе го напушти Торино ова лето.

Реал Мадрид има опција за 30 милиони евра да го врати Алваро Мората во свите редови, и „Кралевите“ ќе ја активираат оваа клаузула.

Но новиот шампион на Европа нема намера да го задржи Шпанецот на Сантијаго Бернабеу, и сака само добро да заработи преку негова продажба.

За услугите на Алваро Мората интерес пројавуваат неколку клубови од Англија, како Арсенал, Челси и Манчестер јунајтед кои се подготвени да платат помеѓу 50 и 60 милиони евра.

Во разговор со АС, напаѓачот потврди дека има примамливи понуди од Премиерлигата и изрази желба неговата иднина да биде разрешена пред почетокот на Европското Првенство.

„Би сакал одново да го носам дресот на Реал Мадрид, мојата желба е да успеам на Бернабеу” – вели Мората. „Но во Реал има многу квалитетни играчи. А јас сакам да играм и да се чувствувам важен дел од тимот. Следната сезона сакам да играм за тим каде ќе имам голема минутажа”.

„Имам неколку понуди од Англија кои се примамливи, не само од финасиска гледна точка”.

„Мислам дека мојот стил на игра одговара на Премиерлигата”.

„Настап во Премиерлигата нема да биде чекор наназад во мојата кариера. Со она што го научив во Италија, и доколку имам шанса да научам нешто повеќе во Англија, мислам дека ќе станам покомплетен и подобар фудбалер”.

„Имам 23 години и сакам да продолжам да бележам прогрес, да играм и да учам од најдобрите”.

„Се надевам дека мојата иднина ќе биде разрешена пред првиот натпревар на Шпанија на Европското Првенство”.

„Тешко е да се фокусирате на репрезентацијата кога сте со мобилниот во рака”.