МЕНИ

Шпанија | Тренерот на Атлетико Мадрид, Диего Симеоне размислува за својата иднина по поразот во финалето од Лигата на шампионите...

Во последните три сезони, Атлетико Мадрид предводен од Диего Симеоне два пати загуби финале во Лигата на шампионите од Реал Мадрид.

„Да загубите две финалиња е неуспех“ - изјави Симеоне.

Запрашан дали размислува за оставка, Симеоне одговори: „Тоа е логично прашање по ваков пораз. Треба да почнам да размислувам за тоа. Имавме шанса да бидеме шампиони, не ја искористивме. Треба да размислам што ќе правам сега. Јасно е дека никој не ги памети поразените, се паметат само оние кои ја освојуваат титулата“.

Каде би заминал Симеоне доколку одлучи да го напушти Атлетико Мадрид?

Доколку Симеоне реши да замине од Атлетико Мадрид, ќе ја напушти и Шпанија. Па како опции на земји во кои би работел би останале Англија и Италија.

Сите англиски гиганти го решија прашањето околу тренерот за идната сезона, па логична дестинација за Симеоне би бил Интер.

Тој неколку пати ја потенцираше желбата еден ден да се врати во Интер. Роберто Манчини имаше неуспешна сезона, па ништо чудно доколку раководството се реши за промена на кормилото ако Симеоне изрази подготвеност да го напушти Атлетико Мадрид.