Македонија | Во присуство на голем број истакнати фудбалски имиња и еминентни гости од јавниот живот, денеска свечено беше пуштена во употреба Фудбалската академија на ФК Вардар, во Градскиот парк, во Скопје, наменета за момчињата од 6 до 14-годишна возраст...
ФК Вардар денеска ја пушти во употреба фудбалската Академија, проект од огромно значење за македонскиот фудбал.
Овој проект содржи две осветлени фудбалски игралишта со вештачка трева, четири соблекувални за фудбалерите и две за тренерите опремени со централна вентилација и подно греење, предавална за теоретска и спортска настава, канцеларии за администрацијата, економат, технички и помошни простории.
„Изминаа две години и три месеци, откако го превземав раководењето со ФК Вардар. Резултатите кои досега ги постигнавме, ви се добро познати. Ние уште на првата прес-конференција ги истакнавме нашите амбиции, Вардар да биде редовен учесник во европските Купови, на меѓуародната сцена. Затоа би сакал дадам еден отчет за реализираните инфраструктурни проекти, на кои посветено работевме минатиов период, водени токму од зацртаната цел. За овие две години, го изградивме тренинг кампот на ФК Вардар, во населбата Хиподром, а еве сега го реализиравме и вотриот проект, наменет за нашите деца од младинските категории до 14-годишна возраст. Исто така, во план е реализацијата на уште еден проект, со кој ќе бидат опфатени возрасните групи од 14 до 18 години и на тој начин ќе ја комплетираме целата неопходна инфраструктура, за потребите на ФК Вардар. Се надевам дека фудбалскиот свет во иднина нема да зборува само за Меси и Роналдо, туку дека од Фудбалската акадмеија, наскоро ќе слушнеме за некој Месиевски или Роналдовски“ - изјави сопственикот на Вардар, Сергеј Сампсоненко.
Извор: 24FUDBAL.com.mk
