Германија | Со гол во самиот финиш Вердер со 1-0 го победи Ајнтрахт Франкфурт и остана во Бундеслигата, славниот Штутгарт не успеа и од следната сезона ќе настапува во ранг подолу...
Вердер долго време се мачеше против Ајнтрахт Франкфурт, пред самиот крај, во 88. минута Џилобоџи погоди и му донесе победа и опстанок на својот тим.
Ајнтрахт ќе мора преку баражот да го обезбеди опстанокот во Бундеслигата.
Штутгарт по втор пат во својата историја испадна од Бундеслигата откако доживеа пораз на гостувањето кај Волфсбург од 3-1.
Баерн со победа од 3-1 над Хановер ја заврши шампионската сезона, Борусија Дортмунд одигра 2-2 против Келн.
Покрај Баерн и Борусија Дортмунд во Лигата на шампионите ќе играат Леверкузен и Менхенгладбах. Шалке, Мајнц и Херта ќе настапуваат во Лига Европа. Покрај Штутгарт испадна и Хановер.
Извор: 24FUDBAL.com.mk
