Останато | Три руски фудбалерки заспале за време на патувањето на нивниот тим со брод од еден до друг фински град, се разбудиле дури кога стигнале во Шведска...



Финскиот женски фудбалски клуб НикеФутис тргнал на пат со брод од главниот град Поти до Маринхам за да игра против тамошниот Оланд Јунајтед. Маринхам е град кој се наоѓа на островот Оланд во Балтичкото море.

Кога бродот стигнал се симнале сите од клубот освен три руски интернационалки кои спиеле. Бродот потоа продолжил кон шведската престолнина Стокхолм, а од клубот сфатиле дека фалат Арина Колесникова, Јекатерика Тиришкина и Марина Федорова откако веќе било доцна.

Јалови биле напори да се сопре бродот и да се врати назад. И за тоа време фудбалерките спиеле, а се разбудиле дури кога бродот пристигнал во Шведска.

Без нив три, кои требало да бидат дел од првиот тим, НикеФутис претрпел тежок пораз од 5:0.

Извор: 24FUDBAL.com.mk