Франција | Златан Ибрахимовиќ потврди дека заминува од ПСЖ по крајот на сезоната и утре за последен пат ќе го облече дресот на францускиот шампион...



Веќе нема никакви дилеми дека Златан Ибрахимовиќ во следната сезона ќе настапува за нов тим. Швеѓанецот се опрости во свој стил.

„Утре е мојот последен натпревар на Паркот на Принцовите. Дојдов како крал, заминувам како легенда“ - напиша Ибра на својот твитер профил.

Во соопштение на сајтот на ПСЖ, Ибрахимовиќ додаде: „Многу сум горд за последните четири години. Го сакав секој ден што го поминав тука. ПСЖ стана голем клуб на меѓународно ниво, а јас одиграв клучна улога за напредокот“.

„Сега е вистинско време да одберам друг пат. Сакам да им се заблагодарам на соиграчите, на техничкиот персонал и сите луѓе во клубот“.

„Моето срце секогаш ќе биде со фановите. Тие беа неверојатни од првиот ден откако дојдов тука. Тие се најдобрите навивачи во Франција. Јас дојдов како крал, заминувам како легенда, но ќе се вратам“.

Извор: 24FUDBAL.com.mk