Останато | Денес во 16.00 часот по македонско време ќе започне новиот конгрес на ФИФА на кој една од главните точки ќе биде гласањето за прием на Гибралтар и Косово...



Конгресот број 66 на ФИФА почнува денес во главниот град на Мексико. Од сите точки на дневниот ред, најголемо внимание привлекува гласањето за прием на Гибралтар и Косово, две земји кои не се членки на Обидинетите Нации и чиј прием во УЕФА крена многу прав и контроверзии.

Гибралтар не е независна држава туку има статус на британска прекуморска територија. Има своја посебна влада независна од Велика Британија, но сепак шеф на државата е Кралицата Елизабета II. Членка на УЕФА е од мај 2013. Првото барање за прием во ФИФА на Гибралтар му беше одбиено по што се жалеше до Спортскиот арбитражен суд кој пресуди во негова корист.

Косово е самопрогласена и делумно призната држава која сè уште важи за спорна територија помеѓу Србија и косовската власт. Членка на УЕФА е од мај 2016 и прв пат аплицира за членство во ФИФА.

Потребно е половина од земјите членки на ФИФА да гласаат ЗА прием на Гибралтар и Косово за да станат нови членки. Значи од 209 членки, 105 треба да дадат дозвола.

66.конгрес на фИФА може да се следи и во живо (од 16.00 часот):

Извор: 24FUDBAL.com.mk