Италија | Според „Скај Италија“ Жозе Мурињо ќе биде следниот менаџер на Манчестер јунајтед, Ван Гал ќе добие отказ по крајот на сезоната...



„Скај Италија“ кој важи за еден од најрелевантните медиуми, тврди дека и покрај сите шпекулации, Жозе Мурињо ќе биде нов менаџер на Манчестер јунајтед.

Португалецот се договорил со Јунајтед и само прашање на време е кога и официјално ќе биде потврден.

И покрај киксот против Вест Хем, Ван Гал има уште една шанса да дојде до четвртото место, но за тоа е потребен уште еден пораз на Манчестер Сити, овој пат на гости кај Свонси. Јунајтед игра и финале од ФА Купот, но се верува дека ништо нема да му помогне на Холанѓанецот да остане.

Ставот на навивачите е јасен, Ван Гал да замине, Жозе Мурињо да пристигне на Олд Трафорд. Последните информации велат дека е прашање на денови кога ова и официјално ќе се случи, но останува да видиме.

Извор: 24FUDBAL.com.mk