Англија Агентот на Димитар Бербатов вели дека напаѓачот не сака да го напушти Манчестер Јунајтед.

Се почести се шпекулациите дека Димитар Бербатов ќе си замине од Олд Трафорд.

Јунајтед плати цели 30.75 милиони фунти за ангажман на Бербатов од Тотенхем, но бугарскиот фудбалер игра под сите очекувања.

Манчестер Јунајтед е подготвен да го освежи тимот за следната сезона откако во оваа многу лесно може да се случи да остане само со титула во Карлинг Купот.

Агентот на Бербатов, Емилн Данчев вели дека Фергусон не кажал ништо за евентуално заминување на фудбалерот.

"Нема објективна причина за негов трансфер, тоа се само напади од медиумите" - смета неговиот агент.

"Не сум слушнал за интерес од друг клуб, ниту Манчестер Јунајтед не ми кажал ништо".

"Сер Алекс Фергусон покажа дека има доверба во Бербатов, и јас ќе му верувам на стратегот" - заврши агентот.

Powered by: 24 FUDBAL.com.mk