Италија Агентот на Един Џеко, Ирфан Реџепагиќ вели дека немал контакт со Јувентус или пак со некој друг клуб од Италија

Интернационалецот од БиХ е на мета на голем број клубови и се шпекулира дека ова лето тој ќе го напушти Волфзбург.

Екипата на Јувентус е последниот тим што се поврзува со ангажман на Един Џеко и се шпекулира дека Старата Дама планира напаѓачот на Волфзбург да биде замена за Давид Трезеге.

Весниците велеа дека Џеко ќе биде еден од приоритетите за Бјанконерите а со ваквиот трансфер дури се сложува и Рафа Бенитез, кој е главен кандидат за превземање на кормилото на Јувентус по крајот на сезоната.

Сепак агентот на Един Џеко, Ирфан Реџепагиќ вели дека никој од Јувентус или пак било кој друг клуб од Италија не бил во контакт со него.

“Не сум бил во контакт со клубови од Италија и во моментов не сум запознаен со интерес на некој клуб од Италија за мојот клиент.” – рече Реџепагиќ.

“Минатата година имаше одреден контакт со Милан но ништо конкретно.”

“Дали тој ќе ја напушти Бундеслигата? Тоа е тешко прашање. Во моментов Един се фокусира само на Волфзбург но во фудбалот се е можно.”

Powered by: 24 FUDBAL.com.mk