Италија | Иднината на Алваро Мората ќе биде позната по финалето од Лигата на Шампионите, Јувентус и Реал Мадрид ги одложија преговорите...



Напаѓачот е под договор со „Бјанконерите“, но Реал Мадрид има опција летоска да го врати Алваро Мората во своите редови за 30 милиони евра.

Се почесто се говори дека „Кралевите“ ќе ја активираат оваа клаузула со цел веднаш да го продадат Шпанецот на заинтересирани клубови од Премиерлигата и да заработат десетици милиони евра.

„Старата Дама“ сака да го задржи играчот па размислува да му плати на Реал за клубот од Сантијаго Бернабеу да се откаже од откупната клаузула.

Двата клуба требаше да имаат состанок, но поради настапот на Реал во финалето од Лигата на Шампионите, средбата е одложена.

„Ќе се сретнеме со Реал Мадрид, но во моментов тие се подготвуваат за финалето од Лигата на Шампионите” – вели генералниот директор на Јувентус, Бепе Марота.

„Ќе разговараме по натпреварот во Милано”.

„Би рекол дека шансите за Алваро Мората да остане во Јувентус се 50%”.

Медиумите исто така шпекулираат дека „Старата Дама“ ќе ги искористи овие преговори за да го ангажира Иско.

„Иско нема да пристигне, со Реал ќе дискутираме само за Мората”.

Извор: 24FUDBAL.com.mk