Англија | Според „Франс Фудбал“, Арсенал веќе започнал разговори за трансфер на дуото од Лестер, Марез и Канте и покрај најавите дека играчите на новиот шампион ќе останат во клубот...



Ријад Марез е играч на сезоната во Премиерлигата, па интересот за неговите услуги е голем и од англиските клубови но и од другите земји.

Во изминатите денови имаше најави дека Марез, Варди и останатите се подготвени да останат и да играат заедно и во Лигата на шампионите, но се чини дека шпекулациите за нивни заминувања нема да стивнат до крајот на преодниот рок.

И покрај тоа што демантираше на прес конференција, „Франс Фудбал“ пишува дека Венгер е сериозно заинтересиран да ги донесе во Арсенал Марез и Канте и веќе започнал разговори за нивен ангажман.

Интерес има и од двете екипи од Манчестер, од Ливерпул, Тотенхем, ПСЖ... но Лестер е на потег, клубот ќе се обиде да му ја оствари желбата на Клаудио Раниери и да го задржи тимот кој ја освои сензационалната титула во Премиерлигата.

Извор: 24FUDBAL.com.mk