Македонија | Вардар синоќа ја завери шампионската титула, јубилејната десетта, но капитенот Бобан Грнчаров вели дека се ќе биде џабе, доколку тимот не направи успех и во Европа...



Вардар „соши“ ѕвездичка над логото, откако дојде до 10. јубилејна шампионска титула.

„Уште од првиот ден кога дојде новиот тренер, Гоце Седлоски, потенцираше дека токму ние сме најквалитетни во ова првенство, а денес ние и го докажавме истото. Уште од второто коло сме на врвот на табелата, каде успеавме да останеме до крај. Сметам дека за ваквиот успех се заслужни сите, од масери до директори. Ова е моја втора година во овој тим, каде имам две титули, така да се надевам дека и идната година ќе го повториме истиот успех“ - вели Грнчаров.

„Исто така сметам дека оваа година ќе мораме да имаме и подобар настап во Европа. Затоа и се натпреваруваме во ова првенство, за да можеме да се покажеме и надвор. Напразно е ако ја освоиме титулата во Македонија, а во Европа не направиме ништо. Сметам дека минатата година имавме лоша ждрепка, па затоа оваа година се надевам дека со малку среќа ќе поминеме до второ или трето коло“.

Извор: 24FUDBAL.com.mk