Лига Европа | Јирген Клоп очекува навивачите на Ливерпул да го преплават Базел и покрај тоа што фановите на „Црвените“ ќе добијат само 9 000 билети за финалето од Лига Европа...
Со победата од 3-0 на синоќешниот реванш на Енфилд против Виљареал, Ливерпул се избори за финале од најмасовното европско натпреварување и дуел со Севиља на Сент Јакоб Парк на 18. мај.
Од УЕФА, Ливерпул ќе добие околу 10 236 билети, од кои 12% ќе бидат доделни на официјални лица од клубот, играчите, медиумите и спонзорите.
Само 9 000 билети ќе бидат наменети за фановите, а Јирген Клоп очекува 100 000 навивачи во Базел.
„Ќе играме во финале тоа е извонредно” – вели Клоп. „Одиме во Базел. Со нас ќе имаме 50, 60, 70 или 100 илијади навивачи”.
„Секако, нема сите да бидат на стадионот, но ќе бидат во градот. Базел е убав град, сигурно ќе уживаат таму”.
Извор: 24FUDBAL.com.mk
