Англија | Менаџерот на Арсенал, Арсен Венгер потврди дека Микел Артета би можел да му се придружи на Пеп Гвардиола во Манчестер Сити...



Шпанецот е обврзан кон „Топчиите“ до 30. јуни и се појасно е дека нема да добие нов договор.

Микел Артета оваа сезона често се мачеше со повреди, па се говори дека тој размислува да стави крај на кариерата и да заплива во тренерските води.

Се говори дека тој би можел да стане дел од персоналот на неговиот добар пријател Пеп Гвардиола, кој летоска ќе седне на жешкото столче на Манчестер Сити.

Ваквата опција ја потврди и Арсен Венгер, менаџерот на Арсенал на денешната прес конференција рече: „Постои можност”.

„Но мислам дека тој многу подобро може да ви објасни отколку јас”.

Менаџерот на „Топчиите“ исто така ја остава вратата отворена за Микел Артета да остане на Емирати и тука да ги добие потребните лиценци.

Но се верува дека Шпанецот веќе е во потрага на куќа во Манчестер.

Извор: 24FUDBAL.com.mk