Италија | Контроверзниот агент Мино Рајола открива дека пред неколку години сакал да ја купи „Римската Волчица“ и една од неговите први одлуки ќе била разделба со клупската икона Франческо Тоти...



Во 2012, клубот од Олимпико премина во рацете на бизнисменот од САД, Џејмс Палота, но според Мино Рајола, лесно можело да се случи тој да стане сопственик на Рома.

Контроверзниот агент, кој се грижи за кариерата на голем број фудбалери помеѓу кои Ибрахимовиќ, Погба и Балотели, во разговор со магазинот GQ открива дека сакал да ја купи „Римската Волчица“ и една од неговите први одлуки ќе била разделба со клупската икона Франческо Тоти.

„Можев да ја купам Рома пред тоа да го стори Палота” – вели Рајола.

„Доколку ги купев „Џалоросите“, ќе изградев нов тим започнувајќи со заминување на Тоти”.

Ваквиот потег сигурно немало да им се допадне на навивачите на „Римската Волчица“ кои сè уште го ценат својот капитен, не сакаат Франческо Тоти да замине и му даваат поддршка во недоразбирањата што сега ги има „Принцот од Рим“ со лидерите на клубот.

Извор: 24FUDBAL.com.mk