Јужна Америка | Аутсајдерот Насионал успеа во невозможната мисија, но затоа пак Алетику Минејру се погрижи Бразил сепак да има двајца претставници во четврт-финалето...



По оние 0:0 во Уругвај сите веќе го видоја Коринтјанс во наредната фаза. Но, упорните Уругвајци се изборија за 2:2 среде Бразил исфрлајќи го еден од фаворитите за трофејот. Уште по само 4 минути игра Николас Лопес ја најави сензацијата, а десет минути подоцна Лука Боржис ја врати надежта кај „коринтјанците“. Се чини печат на пласманот на Насионал стави Сантиаго Ромеро во 56. минута, па до крајот домаќините успеаја само да избегнат пораз и тоа со голот на Маркињус Габриел длабоко во судиското надополнување.

Аргентински Рaсинг отпатува во Бразил кај Атлетику Минејру со 0:0 од првиот натпревар, но Бразилците успеаја да слават и да поминат. Карлус во 15. го отвори резултатот, а гостите дојдоа до поволен резултат 6 минути подоцна кога Лисандро Лопес реализираше од белата точка. Аргентинецот Лукас Прато беше човекот кој му пресуди на Расинг погодувајќи во 71. минута.

Извор: 24FUDBAL.com.mk