Шпанија Екипата на Барселона потврди дека поради повреда на тетивата зад десното колено Андрес Ињеста ќе мора да паузира околу еден месец

Шпанскиот интернационалец се повреди неодамна на дуелот со Мајорка но играчот од средниот ред успеа да се врати на терените за дуелот со Арсенал одигрувајќи ги последните мигови од реванш дуелот на Камп Ноу.

Ињеста потоа настапи и на дербито со Реал Мадрид откако влезе во вториот дел од клупата за резерви.

Кога се чинеше дека неговото опоровување е на добар пат, Ињеста забележа нова повреда на денешниот тренинг.

Според лекарскиот тим на Барса, Ињеста денеска заработил повреда на тетивата зад коленото на десната нога, истиот проблем поради кој играчот беше приморан пред време да го заврши дуелот со Мајорка и да паузира десетина дена.

Но овој пат повредате на Шпанецот е посериозна и според официјалната веб страна на Барса, тој ќе паузира околу еден месец со што практично сезоната за него е завршена.

Последниот натпревар од Ла Лига се игра на 16 мај кога на Камп Ноу гостува Ваљадолид.

Доколку Барса го елиминира Интер во полу-финалето од Лигата на Шампионите, тогаш Ињеста ќе може да настапи на финалето на Бернабе кое се игра на 22 мај.

Денеска беа извршени дополнителни тестови и врз Ибра, кои покажаа дека напаѓачот бележи мал напредок и во четрток или петок врз Шведскиот интернациоанлец ќе бидат извршни нови прегледи по кој ќе се знае дали тој ќе започне да тренира со преостанатиот дел од тимот.

Powered by: 24 FUDBAL.com.mk