Италија | Силвио Берлускони верува дека играчите се виновници за лошите резултати на Милан а не тренерот Кристијан Броки...



Сопственикот на Милан во минатото често ги критикуваше тренерите и тие беа главните виновници за слабите партии на „Росонерите“.

По отказот на Синиша Михајловиќ, Кристијан Броки го превзеде кормилото на Милан токму на инсистирање на Силвио Берлускони.

По победата на гостувањето кај Сампдорија, Милан одигра катастрофално на дуелите со Карпи, Верона и Фрозиноне и освои само два бода од овие три натпревар, на кој „Росонерите“ беа големи фаворити на хартија.

Па наместо да ја зацврсти шестата позиција на табелата и последното место кое води во Лига Европа, Милан сега е надвор од позициите кои водат во Европа.

И додека многумина веруваат дека Кристијан Броки не е подготвен за овој предизвик, Силвио Берлускони е убеден дека направил прав избор и прстот сега го впери кон играчите.

Медиумите од Италија пренесуваат дека сопственикот на Милан е разочаран од залагањето на фудбалерите и верува дека тие се главни виновници за серијата лоши резултати.

Извор: 24FUDBAL.com.mk