Македонија | ФФМ ги одреди казните за Вардар и Шкупи кои потфрлија како домаќини и на средбите кои ги организираа се случија инциденти...



Поради тепачката која се случи на јужната трибина на „Филип Втори“ кога беше нападнато раководството на Шкендија, Вардар ќе игра два натпреварa надвор од Скопје, на оддалеченост од најмалку 100 километри.

Ова значи дека Вардар нема да може да ја прослави титулата на свој терен со своите навивачи.

На теренот на Чаир каде инцидентот беше уште посериозен, кога по последниот свиреж на патот кон соблекувалната беа нападнати играчите на Вардар. Шкупи доби шест натпревари без публика. За овој инцидент им е врачена казна од три меча, но се активира и условната казна која претходна ја имаа, со што се доаѓа до бројка од шест натпревари.

Казнет беше и Силекс за необичната прослава со џип во теренот, кратовчани за тој луксуз ќе треба да платат 250 евра.

Извор: 24FUDBAL.com.mk