Лига на Шампиони | Манчестер Сити и Реал Мадрид одиграа натпревар кој брзо ќе се заборави, само со неколку прилики во финишот од мечот...



Манчестер Сити и Реал Мадрид во мечот влегоа со намера да не примат гол, и двете екипи играа претпазливо и на фудбалските љубители им приредија пресметка без шанси.

Натпреварот беше посебно здодевен во првото полувреме кога немаше ниту еден упатен шут во рамките од двата гола.

Така тргна и вториот дел, првата сериозна прилика се случи во 71. минута кога Хесе со глава ја погоди пречката од голот на Харт.

Шансата како да го осоколи Реал Мадрид, па во 79. минута го имаа и вториот добар шут, Касемиро биеше со глава, но Харт одлично одбрани.

Најголемата шанса на мечот ја имаше Пепе, кој по една мешаница се најде сам пред Харт, но шутираше директно во него.

Единствената шанса Манчестер Сити ја имаше во судиското продолжение кога Де Брујн шутираше од слободен удар, Кејлор Навас одлично одбрани.

Многу поинтересен натпревар ќе видиме на Сантијаго Бернабеу, бидејќи се чини што и да се случува таму, поздодевно од тоа што го видовме вечерва не може да биде.

Извор: 24FUDBAL.com.mk