Англија Рио Фердинанд вели дека Карлос Тевез се штедел на тренинзите, со цел да ја зачува енергијата за натпреварите во времето кога бил од тимот на Јунајтед.

Карлос Тевез игра фантастична сезона во дресот на Манчестер Сити, Аргентинецот се наоѓа во одлична гол форма.

Во пресрет на дерби натпреварот помеѓу Сити и Јунајтед, Карлос Тевез е во центарот на вниманието.

Рио Фердинанд објаснува дека додека играл за Јунајтед, Тевез не го давал максимумот на тренинзите, со цел да ја сочува енергијата за натпреварите.

"Карлос е еден интересен карактер. Кога беше во Јунајтед, целата своја енергија ја чуваше за натпреварите, не ги работеше тренинзите на највисоко ниво" - изјави Фердинанд за Sun.

"Тој работеше напорно во теретана, беше професионалец во таа смисла, но се што правеше беше насочено кон натпреварот за време на викендот".

"Можете да видите дека ја собира енергијата преку неделата, со цел да го даде максимумот на натпреварот".

"Тоа не е начинот кој јас го практикувам, јас тренирам секој ден на високо ниво. Но, на Тевез тоа му успева на неговиот начин и е вистинска закана за дефанзивците" - заврши Фердинанд.

Powered by: 24 FUDBAL.com.mk