Англија | Оскаровецот Том Хенкс откри дека пред почетокот на сезоната си ја пробал среќата и вложил 100 фунти на тоа дека Лестер оваа сезона ќе биде шампион...
Во август речиси никој не веруваше дека „Лисиците“ ќе се борат за првото место на табелата па обложувалниците им дадоа шанси од 5000:1 за триумф во Премиерлигата.
Доста фанови на Лестер го искористија ваквиот висок коефициент за да си ја пробаат среќата и сега се на чекор до голема добивка.
Оскаровецот Том Хенкс открива дека и тој вложил 100 фунти, па сега трие раце.
„Знаете што направив на почетокот од оваа сезона? Вложив 100 фунти на тоа дека Лестер ќе биде шампион” – им откри на медиумите холивудската ѕвезда на премиерата на неговиот нов филм „Холограм за Кралот“ во Лондон.
„Па мислам дека ќе бидам добро” – додаде Хенкс, кој е голем фан на Астон Вила, клубот кој испадна од Премиерлигата и догодина ќе биде второлигаш.
Доколку е точна ваквата изјава на Том Хенкс, актерот ќе заработи 500 000 фунти.
Извор: 24FUDBAL.com.mk
