Англија | Офанзивниот фудбалер на Лестер, Ријад Махрез е избран за најдобар играч во сезона 2015/16 во Премиерлигата...
25 годишниот репрезентативец на Алжир до ова признание стигна пред соиграчите Џејми Варди и Н’Голо Канте, како и Хари Кејн од Тотенхем, Димитри Пајет од Вест Хем и Месут Озил од Арсенал.
Ријад Махрез е ден од клучните играчи на Лестер во оваа неверојатна сезона во која „Лисиците“ се на чекор до огромно изненадување и освојување на титулата.
На синоќешниот дуел со Свонси тој по 17. пат се запиша во листата на стрелците, а зад своето име има и 11 асистенции.
„За ова признание заслуга имаат и моите соиграчи, како и менаџерот и тренерскиот персонал” – рече Ријад Махрез при подигнувањето на наградата.
„Без нив, немаше да постигнувам погодоци и немаше да ја добијам оваа награда. Имаме одличен тимски дух, па сакам да ја посветам на сите нив”.
„Благодарен сум што ја добив оваа награда, задоволството е особено големо бидејќи фудбалерите гласаа за мене. Тие видоа дека играм во одлична форма, па среќен сум”.
Извор: 24FUDBAL.com.mk
