Италија | Напаѓачот на Јувентус, Алваро Мората упати големи пофалби на адреса на Џиџи Буфон, вели дека голманот е суперчовек...



„Старата Дама“ вчера славеше на гостувањето кај Фиорентина и направи уште еден исчекор кон петтото Скудето во низа.

Херој на Јувентус беше Џиџи Буфон, голманот во судиското надополнување го одбрани ударот на Никола Калиниќ од белата точка, а спречи и Федерико Бернардески да постигне гол од одбиената топка.

Алваро Мората, кој во 83. минута го врати Јувентус во водство, по крајот на натпреварот имаше само пофални заборови за Џиџи Буфон.

„Победивме благодарејќи на одбраната на играч кој не е човек!” – вели Шпанецот. „Буфон е суперчовек”.

„Беше важно да победиме на терен каде не сме многу омилени”.

„Не е лесно да се освојат три бода тука, Фиорентина е одличен тим, но ние сме силни и кога играме вака, тешко некој може да не совлада”.

„Бјанконерите“ уште денеска можат да се израдуваат на новата титула доколку Наполи биде поразен на гостувањето кај Рома.

Извор: 24FUDBAL.com.mk