Македонија | Со гол на Јасир Асани, Вардар освои големи три бода против Шкендија и дојде на чекор до јубилејната десетата шампионска титула...



Вардар со 1-0 го победи единствениот конкурент за трофејот, Шкендија и освои три бода кои го носат многу блиску до уште една голема радост.

Херој на Вардарци беше младиот Јасир Асани кој уште во 9. минута постигна гол за водство од 1-0 кое се покажа и како конечен резултат.

Во продолжението Вардар се бранеше, Шкендија бркаше изедначување, домаќинот успеа да ја сочува мрежата и да слави три многу важни бодови.

Работнички со 2-0 го победи Силекс. Борче Маневски во 10. минута отвори, Јовановски по четири минути игра во вториот дел ги постави конечните 2-0.

Со истиот резултат Брегалница го победи Шкупи, погодоците на Танушев и Ристовски беа постигнати во самиот финиш од мечот.

Во плеј-аутот, Младост Царев двор со 2-0 го победи Металург, немаше погодоци на мечот помеѓу Турново и Ренова.

Извор: 24FUDBAL.com.mk