Шпанија | Зинедин Зидан вели дека морале да го убедат Роналдо да го прескокне дуелот со Рајо и додава дека целта е Португалецот да биде оспособен за настап за полу-финалето од Лигата на Шампионите...



Поради повреда на задната ложа заработена на дуелот со Виљареал во средата, Кристијано Роналдо не доби повик за утрешното гостување кај Рајо и ќе го пропушти првиот натпревар во Примера оваа сезона.

Зинедин Зидан вели дека Португалецот сакал да игра но тоа не било невозможно, и целта е CR7 да биде подготвен за пресметката со Манчестер Сити во Лигата на Шампионите.

„Роналдо сака секогаш да игра, но утре ќе остане дома” – рече Зидан на денешната прес конференција.

„Сакаше да настапи против Рајо, моравме да го убедиме да одмори. Но мислам дека и самиот знае дека е невозможно да игра утре”.

„Против Виљареал почуствува дека нешто не е во ред, па целта е да биде подготвен за средбата со Манчестер Сити во вторник”.

„Мислам дека немаше да игра утре дури и да се работеше за финале. Премногу е ризично”.

Извор: 24FUDBAL.com.mk