Шпанија | Серхио Рамос потврди дека минатото лето добил сериозна понуда од „Црвените Ѓаволи“, размислувал за промена на средината но на крајот одлучил да остане во Реал Мадрид...



Пред почетокот на сезоната, дефанзивецот беше во недоразбирање со лидерите на клубот околу новиот договор и Манчестер јунајтед се обиде да ја искористи ваквата ситуација.

Во емисијата Ел Партидо де лас 12, Серхио Рамос сега потврди дека добил сериозна понуда од „Црвените Ѓаволи“, во еден момент размислувал за промена на средината но на крајот одлучил да остане во Реал Мадрид.

„Добив конретна, сериозна понуда” – вели капитенот на „Кралевите“. „Во еден момент размислував за промена на средината”.

„Но Реал Мадрид секогаш бил мојот приоритет”.

„Во тој период бев разочаран од одредени работи, но потоа проблемите се разрешија и сите беа среќни”.

„Но парите не беа проблем како што некои луѓе велеа”.

Извор: 24FUDBAL.com.mk