МЕНИ

Италија | Тренерот на Милан, Кристијан Броки е разочаран од реакцијата на Карлос Бака кога напаѓачот беше заменет и вели дека тоа не смее да се повтори...

Репрезентативецот на Колумбија е во центарот на медиумското внимание по инцидентот што го направи на синоќешниот натпревар со Карпи.

Карлос Бака беше бесен на одлуката на Кристијан Броки да ја напушти играта во 70. минута, не се поздрави со Жереми Менез, остро го погледна тренерот и директно се упати кон соблекувалната.

Медиумите од Италија исто така пренесуваат дека напаѓачот дури и не чекал натпреварот да заврши и неговите соиграчи да се вратат во соблекувалната и предвреме си заминал од Сан Сиро.

„Разочаран сум поради тоа што не се ракуваше со Менез” – речи Кристијан Броки по крајот на натпреварот.

„Реагираше лошо и тоа не смее да му се повтори”.

„Како што кажав, најлошиот дел од целиот инцидент е тоа што не се поздрави со соиграчот”.

„На крајот од денот, сите ние работиме за една единствена цел и треба да се фокусираме на тимот а не само на себе. Тоа е важно правило”.

„Го заменив Бака бидејќи во тие моменти ми беше потребен играч кој може да одигра еден на еден”.