Македонија | Откако синоќа ги елиминираа своите полуфинални ривали Работнички и Ренова, Вардар и Академија Пандев ќе ги вкрстат копјата во финалето од Купот на Македонија во младинска категорија...



Вардар имаше предност од 4:3 по првиот натпревар против Работнички, а вчера нивниот реванш заврши без голови, резултат со кој младите вардарци (фото) се најдоа во финалето. Работнички имаше пенал за финале во 81. минута, но голманот Филип Трајчевски успешно го одбрани.

Академија Пандев тесно со 2:1 ја совлада Ренова во првиот натпревар, но на реваншот на гости во Тетово кај младите „гипсари“ фуриозно со 3:0 се проби во финалето. Два гола постигна Александар Мишов (37. и 74. минута), додека третиот беше дело на замената Андон Шилинов во 86. минута.

Во финалето Академија Пандев ќе биде ослабена со отсуството на младинскиот репрезентативец Валентин Кочоски кој доби црвен картон откако собра два жолти. И кај Вардар поради црвен финалето ќе го пропушти Стефан Тасески.

Финалето ќе се игра на 19. мај во Скопје.

Извор: 24FUDBAL.com.mk