МЕНИ

Англија | Селекторот на Англија, Рој Хоџсон вели дека Џејми Варди не се обидел да одглуми пенал против Вест Хем па судијата неоправдано му покажал втор жолт картон...

Напаѓачот беше исклучен против „Чеканите“, и покрај стандардната суспензија од еден натпревар, најверојатно ќе паузира уште еден додатен поради гневната реакција кон судијата Џон Мос и одбивањето веднаш да го напушти теренот.

Многумина веруваат дека Џејми Варди не заслужил да биде исклучен, а во одбрана на голгетерот сега застана и селекторот на Англија, Рој Хоџсон.

„Ќе ризикувам и ќе кажам дека Варди не се обиде да одглуми пенал” – вели предводникот на „Гордиот Албион“.

„Мислам дека го изгуби балансот и имаше мал контакт со дефанзивецот кој се обиде да затвори”.

„Сите стручни коментатори велат, „Се обиде да одглуми“ или „Погледнете како одглуми“. Но јас не гледам така на ситуацијата и не го обвинувам”.

„Мислам дека едноставно немаше среќа”.

За реакцијата на Варди по добиениот црвен картон, Хоџсон додава: „Реагираше онака како што секој човек реагира понекогаш. Тоа е сосема нормално”.