МЕНИ

Италија | Миралем Пјаниќ има само пофални зборови за Франческо Тоти и се надева дека напаѓачот и Рома ќе најдат решение кое ќе ги задоволи двете страни...

Капитенот на „Римската Волчица“ вчера покажа дека се уште може да биде корисен, и со два погодока за две минути на Рома и донесе три бода во дуелот со Торино.

„Дуелот со Торино беше неверојатен” – вели Миралем Пјаниќ.

„Пред се за Тоти, но и за целиот тим со оглед на тоа дека стигнавме до победа во самиот финиш”.

„Она што Тоти го направи е навистина магично. Тоа е лудост, навистина неверојатно”.

„Тоа беше негова вечер, се што допре претвори во гол. Тој е фантастична приказна”.

„Тоти е Рома. Кога зборуваме за Рома, зборуваме за Тоти”.

„Научив многу од него. Добри пријатели сме. Се надевам дека двете страни ќе успеат да пронајдат заеднички јазик и на најдобар начин ќе биде разрешена целата ситуација”.

Во последно време се почесто се говори дека капитенот на „Римската Волчица“ летоска ќе замине од Рим поради недоразбирање со тренерот Лучано Спалети и управата на клубот.

Франческо Тоти не е задоволен од минутажа, сака да игра и следната сезона, а лидерите на Рома го притискаат да ги обеси копачките на ѕид и да стане директор.

„По се она што има искусено, сигурно му е тешко да замисли дека повеќе нема да треба секој ден да доаѓа на тренинг и во соблекувалната”.

„Тоти е извонреден фудбалер и се надевам дека на крајот сите ќе бидат среќни, ќе надвладее здравиот разум”.

„Сите знаеме кој е Тоти, што има сторено за клубот и заслужува да биде среќен”.