Италија | Претседателот на Палермо, Маурицио Ѕампарини обвинува дека фудбалерите на Верона му пуштиле на Фрозиноне да стигне до трите бода...



Сицилијанците паднаа на 19. позиција на табелата откако овој викенд загубија на гостувањето кај Јувентус, а Карпи и Фрозиноне стигнаа до победи.

Од таборот на Палермо имаат замерки за дуелот помеѓу фенерџијата Верона и Фрозиноне, откако гостите стигнаа до големи три бода во втората минута од судиското продолжение.

Првиот човек на Палермо, Маурицио Ѕампарини вели дека Верона намерно му пуштила на Фрозиноне да стигне до победа.

„Фудбалерите на Верона го пуштија вториот гол на Фрозиноне, гледаа на другата страна” – обвинува Ѕампарини.

„Погледнете го натпреварот. Доколку можат да се користат докази од ТВ снимките, тогаш дефинитивно треба да се употребат за овој случај”.

Фрара, кој го постигна победоносниот гол се најде осамен во срцето на петерецот и токму ова му е сомнително на популарниот Ѕампа.

Извор: 24FUDBAL.com.mk