Англија | Фудбалската Асоцијација на Англија отвори дисциплинска постапка против Џејми Варди, напаѓачот е обвинет за недолично однесување...



Лоши вести за Лестер, првиот голгетер Џејми Варди се најде на тапет кај фудбалските власти поради гневната реакција кон судијата Џон Мос по црвениот картон на дуелот со Вест Хем.

Напаѓачот доби втор жолт картон за симулирање, Англичанецот не се помири лесно со ваквата одлука на главниот арбитар, му дофрли неколку зборови и не го напушти веднаш теренот.

Поради црвениот картон тој дефинитивно нема да биде во комбинација за дуелот со Свонси, но сигурно ќе го пропушти и дуелот со Манчестер јунајтед доколку ФА го прогласи за виновен.

За сличен инцидент, Диего Коста доби дополнителна суспензија од еден натпревар.

Извор: 24FUDBAL.com.mk