Италија | Кристијан Броки вели дека бил изненаден од раководството на клубот да го повика за тренер на првиот тим на местото од Синиша Михајловиќ...



Броки имаше победничко деби на клупата на Милан откако со 1-0 славеше на гостувањето кај Сампдорија изминатиот викенд.

„Не очекував повик од клубот, не ми ни паднало на памет такво нешто“ - вели Броки.

„Минатиот понеделник бев дома со моите деца и добив повик. Ми рекоа дека раководството сакало да зборува со мене, но не знаев зошто“.

„Претходните состаноци со клубот ми беа во врска со Примавера тимот. Како и да е, поранешните соиграчи Неста, Пирло и Малдини ми се јавија и ми рекоа дека навиваат за мене“.

„Ова е најдобрата работа што можеше да ми се случи. Јас сум од Милано, играв за клубот од младинските тимови до сениорскиот тим и сега сум тренер“.

Извор: 24FUDBAL.com.mk