МЕНИ

Македонија | Капитенот на црвено-црните, Бобан Грнчаров, уверува дека неговиот тим ќе даде сè од себе за да го совлада конкурентот за титулата...

„Нема да биде битно само еден дел од тимот да функционира како што треба, без разлика дали зборуваме за одбраната, средниот ред, или нападот, туку треба сите да одиграме на потребното ниво како колектив. Свесни сме за значењето на трите бода и доколку успееме да ги освоиме, мислам дека титулата ќе ни биде на дофат. Подготвени сме за предизвикот, не се плашиме од никого и без разлика што некои велат дека ни одговара и реми, ние сме Вардар и од првата минута одиме на победа.“ - рече Грнчаров за официјалниот веб сајт на Вардар.

Капитенот на тимот деновиве се најде на мета на медиумите откако преку фејсбук даде пофалба за публиката на Шкендија која во голем број доаѓа да ги следи нивните натпревари, за разлика од онаа на Вардар која претпочита да се посветува на други работи кога игра нивниот миленик.

„Комитите отсекогаш биле нашиот верен 12-ти играч и в недела ги поканувам, заедно со сите искрени љубители на фудбалот, да дојдат во што е можно поголем број. Нивната поддршка, сега, ни е потребна повеќе од било кога.“

Дерби натпреварот помеѓу Вардар и Шкендија се игра в недела со почеток од 16.00 часот на „Филип II“.