Лига Европа | Јирген Клоп на полувремето го употребил финалето од Истанбул и големиот пресврт против Милан за да ги мотивира своите играчи на синоќешниот дуел со Борусија Дортмунд...
„Црвените“ вчера приредија нов незаборавен пресврт и по водството на „Милионерите“ од 2-0 и 3-1, со гол во судиското надополнување славеа со 4-3 и се пласираа во полу-финалето од Лига Европа.
Јирген Клоп вели дека на полувремето го употребил финалето од Истанбул и големиот пресврт против Милан во 2005, кога Ливерпул надополни негатива од 3-0 за триумф во Лигата на Шампионите, за да ги мотивира своите избраници.
„Да бидам искрен, на полувремето атмосферата беше добра бидејќи бев задоволен од играта, не од примените погодоци, туку од играта во глобала” – рече Клоп.
„Им кажав на момците, јас не бев таму но неколку играчи на Ливерпул кои се малку постари и работат како стручни коментатори на ТВ, губеа 3-0 на полувреме и победија во финале од Лигата на Шампионите”.
„Иако шансите се мали, сепак постои можност и мораме да се обидеме да победиме”.
„И тие го сторија тоа”.
„Постигнавме гол и сите можат да видат дека се случи нешто на стадионот. Можевте да го видите, да го слушнете да го помирисате. Потоа следуваше брилијантна акција на Дортмунд и тие поведоа со 3-1”.
„Потоа следуваше момент кога треба да се покаже карактер. Тоа го сторија момците и беше прилично убаво да се гледа”.
„Секако ни беше потребна и малку среќа, но секој ќе ви каже дека заслужено победивме”.
Извор: 24FUDBAL.com.mk
