Лига Европа | Ливерпул има одлична статистика во дуелите со германските тимови, ако се водиме според тоа, Борусија Дортмунд вечерва ќе има сериозни маки...



Ливерпул оствари добар резултат и во Дортмунд каде што одигра 1-1, па англискиот тим влегува како фаворит за пласман во полуфиналето од Лига Европа.

Борусија Дортмунд има одличен состав, особено во офанзивата, тимот на Томас Тукел има материјал за победа, но статистиката вели дека германските тимови лошо поминуваат на Енфилд.

Ливерпул одиграл 13 натпревари на свој терен против германски екипи од кои победил на дури десет, три завршиле нерешно, не доживеале ниту еден пораз.

Уште поимпресивна е гол разлика, 32 дадени и само еден примен.

И Клоп и Тукел играа со комбинирани тимови во минатото коло од домашните првенства, двата тима силно ја посакуваат победата, атмосферата на Енфилд ќе биде импресивна, па сите предуслови се создадени за интересна битка.

Извор: 24FUDBAL.com.mk